Tazama Majina ya Waliochaguliwa Kujiunga na Jeshi la Polisi

Dar es Salaam. Jeshi la Polisi limetoa orodha ya majina ya vijana waliochaguliwa kujiunga na mafunzo ya awali ya Jeshi hilo. Vijana hao wanatakiwa kuripoti Shule ya Polisi Moshi kwa ajili ya mafunzo rasmi, kuanzia Septemba 30, 2024 hadi Oktoba 2, 2024.

Taarifa Rasmi ya Jeshi la Polisi

Kwa mujibu wa taarifa iliyotolewa na Mkuu wa Jeshi la Polisi, vijana waliochaguliwa kupitia usaili uliofanyika Dar es Salaam (Chuo cha Taaluma ya Polisi – DPA) na katika vikosi vya Makao Makuu ya Polisi, wanapaswa kuripoti katika kituo cha Polisi Barracks, Barabara ya Kilwa, Dar es Salaam, saa 12:00 asubuhi ya Septemba 30, 2024 kwa maandalizi ya safari ya kwenda Moshi.

Kwa vijana waliochaguliwa kutoka mikoa ya Tanzania Bara, wanatakiwa kufika kwa makamanda wa polisi wa mikoa yao mnamo Septemba 29, 2024 saa 2:00 asubuhi, ambapo watapewa maelekezo kuhusu safari yao.

Bonyeza hapa kuona Tazama Majina ya Waliochaguliwa Kujiunga na Jeshi la Polisi

DOWNLOAD PDF

Masharti ya Kujiunga

Kila kijana aliyefanikiwa kuchaguliwa kujiunga na mafunzo anatakiwa kufuata maelekezo yafuatayo kabla ya kuripoti:

Vifaa vya Mavazi: Track suit ya bluu na ufito mweupe, fulana nyeupe, raba nyeusi, soksi nyeusi, na bukta za michezo.
Vifaa vya Malazi: Chandarua cheupe, shuka za light blue, blanketi kijivu, na pasi ya mkaa.
Vifaa vya Kazi: Reki, jembe, panga, ndoo mbili ndogo, na fagio la chelewa.
Vifaa vya Usalama na Utambulisho: Kadi ya bima ya afya (NHIF) au Tsh 50,400/= kwa wasio na kadi, vyeti halisi vya taaluma na kuzaliwa, kadi ya NIDA, nakala za vitambulisho vya wazazi, na picha sita za passport size.

Marufuku ya Simu za Mkononi

Simu za mkononi hazitaruhusiwa kabisa chuoni. Yeyote atakayekamatwa na simu atachukuliwa hatua kali za kinidhamu, ikiwemo kufukuzwa mafunzoni. Jeshi la Polisi limeandaa utaratibu wa mawasiliano kwa walioko chuoni.

Onyo kwa Wasioripoti kwa Wakati

Vijana wote wanatakiwa kuripoti kabla ya tarehe 02 Oktoba 2024. Mtu yeyote atakayeripoti baada ya tarehe hiyo hatapokelewa, na itachukuliwa kwamba amejiondoa mwenyewe kwenye mafunzo.

Historia Fupi ya Jeshi la Polisi Tanzania

Jeshi la Polisi Tanzania lilianzishwa mnamo Agosti 25, 1919, na limeendelea kuboresha usalama wa raia na mali nchini. Kupitia nidhamu kali na mafunzo bora, jeshi hili limekuwa nguzo muhimu katika kulinda amani ya taifa.

Also, check more tracks from Nay Wamitego;